تكفى ياجرحي عشاني مو على شانه

ياخوي تسأل عيونـي ليـه ذبلانـه
وهذا السواد اللي عليها محاصرنـي
انا عيوني ثـلاث شهـور سهرانـه
والحزن شوفة عيونك كيف فاضحني
القلب ياخوي يشكي فـراق خلانـه
والدمـع عيـا يكـف ولا يريحنـي
اقفى وخلى عروق القلب عطشانـه
ياقوه كيـف جاهـ قلـب يتركنـي
وشلون بنسى وهو قلبي وشريانـه
وشلون يرضى بدون اسباب يهجرني
وشلون تغفى عيوني دون احضانـه
وشلون بدفى وهـو اللـي يولعنـي
ياخوي روحي تنادي حيـل ولهانـه
وش حيلتي بالجفا ياخـوي علمنـي
اول انا اللي اداوي قلـوب مرضانـه
واليوم بلشانه مدري مـن يعالجنـي
الحظ قفـى وصـك اليـوم بيبانـه
مغير ادعـي واقـول الله يصبرنـي
صابره واشوف الهوى تتكسر اغصانه
واللي رحل جعل ربي بـه يعوضنـي
داريه واكيد الزمـن تتغيـر الوانـه
والوقت لازم يجيلـه يـوم يسعدنـي
ياجرح يسعد صباحك انسى عنوانـه
ولا عاد تسهر على ذكـراه تتعبنـي
تكفى ياجرحي عشاني مو على شانه
خلاص ابنسـى طلبتـك لا تذكرنـي

اهداء خاص الى ............

وه فديتك
يسلموووووو على هيييييييك خااااااطرة
ولا احلى منها
دوووووووووم مبدعه
لاتحرمينا جديدك يا قلبي
تقبلي ودي لكي

يعطيك العاااافية على الطرح الرائع
تحياتي لك