اهداء لكل مجروح ودع جراحك وبيع اللي باعك..!

قصيده للشاعر : عبدالله القحطاني

اهدي هالكلمات

لكل انسان مجروح ولكل مجروحه

لكل من قست عليه الدنيا وعاش فيها مجروح ومقهور

ودع جرحك بهالكلمات اللي تعز قلبك وحبك


اخليكم مع القصيده ..










روح الله يسامحك مابي عذر منك ولا تبرير

انا بنساك من قلبي وابيك اليوم تنساني







ترى احسن لنا نذكر بعضنا دايم بالخير

ابلقى من يقدرني وتلقى واحدً ثاني







ابد ما كان في بالي ترى ماصار اليوم يصير

ولا ظنيتك تكون الطريق لهمي واحزاني







حسبتك غير لكني ندمت لاني حسبتك غير

رسمتك صوره حلوه بكل احساس وجداني






قسيت وكانت القسوه تفوق الوصف والتصوير

اعاني منك واعاني .. واعاني منك واعاني






مصيرك يوم تندم على الاخلاص والتقدير

وتذكر بعد مده وتعيش بدور حرماني



وانا عايش بلا دمعه بلا لوعة بلا تاثير

ولا يطري لي اعتابك ولا تطري على لساني


روح الله يسامحك ماعاد باقي وقت للتفكير

يجي لك يوم تعرف فيه من يندم على الثاني







تحياتي لكم يابعدي كلكم..

يسلموو
على طرحك الحلو
وانشالله دوم
متميزه والله لا يحرمنا منك ومن جديدك
يالغلا
توتا

يسلمك ربييالغلا من كل شر




وانت بعد دايما متميز بمواضيعك الرائعه ومرورك لمواضيعي



لاتحرمني من هالطللله


لاهنت